পৰ্বতঝোৰাৰ খোৰাঘাট নামাপাৰা পৰা এজন পঞ্চম শ্ৰেণীৰ ছাত্ৰ নিৰুদ্দেশ -

বিটিচিৰ কোকৰাঝাৰ জিলাৰ পৰ্বতঝোৰা মহকুমাৰ বগৰীবাৰী আৰক্ষী থানাৰ অন্তৰ্গত খোৰাঘাট নামাপাৰা গাঁৱৰ আমিৰ আলীৰ পঞ্চম শ্ৰেণী অধ্যনৰত পুত্ৰ নাজিমূল ইছলামে মঙলবাৰে আবেলি ঘৰৰ ওলাউ নিৰুদ্দেশ হোৱা ঘটনাই সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি হৈছে।

উল্লেখ্য যে ১৩ বছৰীয়া নাজিমূল ইছলামে যোৱাকালি নিজ ঘৰৰ পৰা খোৰাঘাট অভাৰ ব্ৰীজৰ ফালে কাকো একো নজনোৱাকৈ ওলাই গৈছিল কিন্তু বিগত দুই দিন উকলি গ’ল যদিও নাজিমূল ইছলাম ঘৰলৈ উভতি ন অহাত পৰিয়ালৰ মাজত এক হাহাকাৰময় পৰিস্থিতিৰ সৃষ্টি হৈছে।ইতিমধ্যে পৰিয়ালৰ লোকে বগৰীবাৰী আৰক্ষী থানাত নিৰুদ্দেশৰ ঘটনা সন্দৰ্ভত এখন লিখিত অভিযোগ দাখিল কৰিছে।