গুৱাহাটী বিশ্ববিদ্যালৰ মাৰ্কশ্বিট কেলেংকাৰী তথা ধনৰ বিনিময়ত নম্বৰ বৃদ্ধি কৰা ঘটনা
গুৱাহাটী বিশ্ববিদ্যালৰ মাৰ্কশ্বিট কেলেংকাৰী তথা ধনৰ বিনিময়ত নম্বৰ বৃদ্ধি কৰা ঘটনা পোহৰলৈ অহাৰ পাছতে অভিযান আৰম্ভ কৰিছে অসম আৰক্ষী আৰু চি আই ডিয়ে। শনিবাৰে আৰক্ষী আৰু চি আই ডিৰ যুটীয়া অভিযানত উক্ত ঘটনাৰে জড়িত থকা ৮জন লোকক গ্ৰেপ্তাৰ কৰা হয়।
বৰপেটা আৰক্ষীৰ সহযোগত চি আই ডিয়ে অভিযান চলাই পৃথক পৃথক স্থানৰ পৰা লোক কেইজনক গ্ৰেপ্তাৰ কৰে। গ্ৰেপ্তাৰ কৰা লোকসকলৰ ভিতৰত আছে গুৱাহাটী বিশ্ববিদ্যালয়ৰ কৰ্মচাৰী, ধুবুৰী আইন মহাবিদ্যালয়ৰ কম্পিউটাৰ অপাৰেটৰকে ধৰি দুষ্ট চক্ৰৰে জড়িত আন আন লোক।
অভিযানত এই পৰ্যন্ত গ্ৰেপ্তাৰ কৰা লোক কেইজন হৈছে- ধৃত আজিজুল হক, কৃষ্ণণ কৃষ্ণমূৰ্তি, ইছমাইল হুছেইন, আলমগীৰ খান, মইনুল হক, হামেজ উদ্দিন, আবুল বাছেৰ, আমিনুল ইছলাম, শিৱতোষ মাহাতো।
একদৰে গুৱাহাটী বিশ্ববিদ্যালয়ৰ কৰ্মচাৰী ধৃত কৃষ্ণণ কৃষ্ণমূৰ্তিকো গ্ৰেপ্তাৰ কৰিছে আৰক্ষীয়ে। ধুবুৰী আইন মহাবিদ্যালয়ৰ কৰ্মচাৰী শিৱতোষ মাহাতো আৰু লাংলা মহাবিদ্যালয়ৰ লাইব্রেৰীয়ান আমিনুল ইছলামকো গ্ৰেপ্তাৰ কৰিছে।
