নতুন দিল্লীৰ দলীয় মুখ্য কাৰ্যালয়ত কংগ্ৰেছ দলৰ এখন কেন্দ্ৰীয় নিৰ্বাচন সমিতিৰ বৈঠক অনুষ্ঠিত হৈছিল।
কংগ্ৰেছ অধ্যক্ষ মল্লিকাৰ্জুন খাৰ্গে আৰু দলৰ নেত্ৰী ছোনিয়া গান্ধীৰ অধ্যক্ষতাত অনুষ্ঠিত এই বৈঠকখন পঞ্জাৱ আৰু অন্যান্য ৰাজ্যৰ বাকী লোকসভা আসনসমূহৰ বাবে প্ৰাৰ্থী চূড়ান্ত কৰিবলৈ অনুষ্ঠিত হৈছিল।
এই বৈঠকত পঞ্জাৱৰ জ্যেষ্ঠ কংগ্ৰেছ নেতাসকল উপস্থিত আছিল।
পঞ্জাৱৰ ১৩ খন লোকসভা আসনৰ ভোটগ্ৰহণ ১ জুনত অন্তিম পৰ্যায়ত অনুষ্ঠিত হ’ব।
ৰাজ্যখনৰ সাধাৰণ নিৰ্বাচনত এককভাৱে চলি থকা কংগ্ৰেছে গুৰজিৎ সিং ঔজলাক অমৃতসৰ আসনৰ পৰা, অমৰ সিঙক ফাথগড় চাহিবৰ পৰা, জিত মহিন্দৰ সিং সিদ্ধুক ভাটিণ্ডাৰ পৰা, সুখপাল সিং খাইৰাক চাংৰুৰৰ পৰা আৰু ধৰমবীৰ গান্ধীক পাটিয়ালা আসনৰ পৰা প্ৰাৰ্থিত্ব প্ৰদান কৰিছে।
প্ৰাক্তন মুখ্যমন্ত্ৰী চৰণজিৎ সিং চান্নীক জলন্ধৰ সংসদীয় সমষ্টিৰ পৰা প্ৰাৰ্থিত্ব প্ৰদান কৰা হৈছে।
আম আদমী পাৰ্টি আৰু কংগ্ৰেছে আন ৰাজ্যত মিত্ৰতা থকা স্বত্বেও পঞ্জাৱত পৃথকে নিৰ্বাচনত প্ৰতিদ্বন্দিতা কৰিছে।
ইয়াৰ পূৰ্বে, আপে পঞ্জাৱৰ বাবে চাৰিজন প্ৰাৰ্থী ঘোষণা কৰিছিল।
জগদীপ সিং কাকা ব্ৰাৰে ফিৰোজপুৰৰ পৰা, অমনছেৰ সিঙে গুৰদাসপুৰৰ পৰা প্ৰতিদ্বন্দিতা কৰিব। পৱন কুমাৰ টিনুক জলন্ধৰৰ পৰা, আৰু অশোক পৰাশৰ পাপ্পীক লুধিয়ানাৰ পৰা প্ৰাৰ্থিত্ব প্ৰদান কৰা হৈছে।
কালি কংগ্ৰেছ দলক আন এক আঘাত প্ৰদান কৰি তাজিন্দৰ সিং বিট্টুৱে শনিবাৰে দিল্লীৰ দলীয় মুখ্য কাৰ্যালয়ত কেন্দ্ৰীয় মন্ত্ৰী অশ্বিনী বৈষ্ণৱ আৰু দলৰ সাধাৰণ সম্পাদক বিনোদ তাৱদেৰ উপস্থিতিত ভাৰতীয় জনতা পাৰ্টিত যোগদান কৰে।
তাজিন্দৰ সিং বিট্টুৱে হিমাচল প্ৰদেশৰ এআইচিচি ৰ ভাৰপ্ৰাপ্ত সচিব আৰু প্ৰাথমিক সদস্যপদ কংগ্ৰেছৰ পদৰ পৰা পদত্যাগ কৰে।
